1. gotineke tirkmancî ye. ji gotina "kendine iyi bak" rasterast hatiye wergerandin.



li zimanê tirkî lêkara "bakmak" bi 2 wateyan tê bikaranîn.

1) nihêrîn

2) hay jê hebûn, xwedî lê derketin, lê miqate bûn



li vê gotinê mebest bikaranîna wateya duyem e.

heke ku tu ji kurdeke ku tirkî nizane re bêjî "li xwe baş binêre" dê biçe rahêje neynikê û li rûyê xwe binêre.

ji bo rast bikaranînê mirov dikare bêje "hay ji xwe hebe" , "li xwe miqate be"



(bnr: bi tirkî fikirîn bi kurdî gotin)

2. gotina buyî sedema nelihevkirinê. qalib û gotin bi tu awayî nikare li zimanekê bê heramkirin lê ji bo bikeve wî zimanî û bibe malê wî zimanî divê gorî rêzimanên wî zimanî be. 'li xwe nêrîn' di kurdî de rasterast li xwe nêrîn e, tu wateya wê ya duyem tune ye, ji ber wê oxir mafdar e. weke ku ji bo 'tehl' mirov 'tûj' bikar bîne ye, ji ber ku tirkî de herdu jî 'aci' ye.

3. kêfa min ji vê gotinêre qet naye. we ku ji min re xebera bidin. ez dibêjim li xwe miqate be.